القائمة الرئيسية

الصفحات

بالصور : زكرياء بوقرة يرفع قضية ضد الفخفاخ ونصاف بن علية وعبد اللطيف المكي.. التفاصيل

 

أعلن الدكتور زكرياء بوقرة في تدوينة له منذ قليل أنه قام برفع قضية ضد كل من رئيس الحكومة السابق الياس الفخفاخ وعبد اللطيف المكي ونصاف بن علية بسبب قراراتهم اللامسؤولة التي ساهمت في انتشار الوباء حسب قوله. وهذا ما جاء في تدوينته :

اليوم رفقة الاستاذ مالك بن عمر وبالنيابة عن زملائي الدكتور غازي الدالي والدكتور ظفرالله الشافعي، رفع قضية جزائية ضد كل من: -رئيس الحكومة السابق السيد الياس الفخفاخ 

-وزير الصحة السابق السيد عبد اللطيف المكي 

-رئيسة المرصد الوطني للأمراض الجديدة والمستجدة السيدة نصاف بن علية 

-و كلّ من سيثبت تورّطه 

على أثر قراراتهم اللامسؤولة والّتي إنجرّ عنها عودة الوباء و تفشّيه في تونس وهو ما ساهم في موت الاف التونسيين. حياة التونسيين غالية و  قد ساهموا فالتّفريط بها و خانوا المسؤولية و الأمانة. الناس هذوما عطيناهم ثيقتنا بش يحميونا. ولكن الناس هذوما حلو الحدود بصفة متهورة ونحاو الحجر الصحي الاجباري الأجراء الوحيد الي كان يمنعنا من العدوى. الناس هذوما تلاعبو بتصنيف الدول. ليوم قراراتهم تسببت في موت الاف التوانسة تسببت في مرض مئات الاف التوانسة وتسببت في تعطيل مصالح ملاين التوانسة. الشيء هذا موش مقبول أنو يتعدى مرور الكرام. اليوم الملف في يد القضاء وبش نبنيو بلاد جديدة أول حاجة لازمنا نعملوها هي عدم الأفلات من العقاب وتحميل المسؤولية لكل من اجرم في حق الشعب التونسي. ثيقتي كبيرة في القضاء الوحيد الي ينجم يسترجع حق الشعب التونسي. نتمنّى أن تكون هذه القضيّة فرصة لإعطاء كلّ ذي حقّ حقّه و إصلاح ما يمكن إصلاحه. كما نتمنى أن تأسّس لنهج جديد في المحاسبة و تحمّل كلّ مسؤول لتبعات قراراته.

أخيرا وليس اخرا نحب نترحم على جميع ضحايا هذا الوباء ونشد على ايادي هذا الشعب البريء الذي اغرق في اكبر محنة منذ تأسيس البلاد. 

لازمنا برشا صبر بارشا عزيمة ولكننا سننتصر في الآخر. 

ردو بالكم على رواحكم وعلى عايلاتكم. 

الوباء تو يجي نهار ويوفى أما الي اجرم في حق هذه البلاد لازم يتحاسب.