إعلان علوي

د.ماهر عباسي يؤكد وجود تلاعب بأرقام وفيات كورونا.. ويدعو رئيس الجمهورية إلى فتح تحقيق فوري

 


دعا أخصائي الإنعاش والتخدير الدكتور ماهر عباسي رئيس الجمهورية قيس سعيّد إلى فتح تحقيق فوري عن طريق مجلس الأمن القومي، حول ما وصفه بالتلاعب بأرقام وفيات كورونا.
وأضاف عباسي في رسالة موجّهة إلى رئيس الجمهورية نشرها على صفحته بالفايسبوك، أن هذا "الموضوع خطير ويمس من الأمن القومي، مفسرا أن "وفيات كورونا تعتبر من أكثر المؤشرات دقة في متابعة تطور الجائحة". 
كما طالب الدكتور ماهر عباسي، بـ"لجنة تحقيق تحت مسؤولية إدارة الصحة العسكرية، من أجل تقرير مفصل ودقيق حول أسباب ما وصفه بالعبث والغموض، داعيا رئيس الجمهورية إلى الإشراف على هذه العملية بما أن الأمن القومي من صلاحياته"
وهذا نص التدوينة كامل:

إلى السيّد رئيس الجمهورية : 
الطلب : فتح تحقيق فوري عن طريق مجلس الأمن القومي
التلاعب بأرقام الوفايات متاع الكورونا هو موضوع خطير يمس من الأمن القومي على زوز أصعدة . 
الوفايات متاع الكورونا تعتبر من اكثر المؤشرات دقة في متابعة تطور الجائحة . 
بالنسبة للكورونا فمة زوز أصعدة يمسو من الأمن القومي متاع البلاد : 
* الصعيد الصحي خاطر حياة الناس غالية
* الصعيد الإقتصادي خاطر رزق الناس أمانة وإقتصاد البلاد هو قلبها 
===> للأسف الزوز أصعدة هذومة في تناقض ويلزم المسؤول كل مرة يبجل شوية واحد عالآخر باش تنجم البلاد تخرج بأخف الأضرار 
===> في الكورونا أهم حاجة هي الإستشراف يلزمك تعرف قبل بجمعتين ثلاثة وين التوجه متاع الجائحة ... كان التفشي والوفايات في تصاعد تاخو إجراءات وتضحي بالإقتصاد ... كان الأمور في إنفراج تستبق وتبدا تحل باش تنقذ الإقتصاد . 
===> أهم حاجة في مواجهة الكورونا هي متابعة تطور الجائحة 
شوفو أحنا في تونس مليون مرة طالبنا بدراسات تمكننا من متابعة تطور المرض لا حياة لمن تنادي وما عملنا حتى دراسة وال 650 الف تحليل سريع اهوكم مرميين في الدبوات . باهي قلنا نتبعو التطور بعدد الوفايات .... شوفو شنوة عملولنا .... مرة يهبطو البيان كل نهار مرة كل نهارين مرة كل ثلاثة أيام ... مرة يهبطوه بالأزرق مرة بالأخضر مرة بالقزوردي وكل مرة يبدلو في طريقة تقديم المعلومة ( علاه الله أعلم ) وبعد عملولنا التحيين كل نهار يحطولنا خمسين وفاة مرة من واحد أكتوبر ومرة من واحد نوفمبر ... والقطرة التي أفاضت الكأس بيان البارح نحاو التحيين ورماولنا عدد صادم 96 وفاة . 
التفسير الوحيد للتصرف هذا هو أنو فمة دوسيات مخبية .... فمة des cadavres dans le placards..... تقول عليهم عندهم مجموعة وفايات كانو متكتمين عليها وتوة يعطيونا فيهم بالتقسيط .... تقول فمة بونتوات بيناتهم والا شنوة التفسير انو في نفس النهار ناخذو إجراءات تنبئ بتحسن الوضع من هوني ونهبطو عدد 96 وفاة من غير تفسير كاينهم توفاو في نهار واحد . شنوة صاير ؟ علاش هالغموض ؟ راو أحنا ماناش عايشين في المريخ وتوصللنا الأخبار أما عنا مسؤولية ومانحبوش نبثو البلبلة .....وعنا أساتذتنا قراونا وعلمونا ويلزمنا نحترموهم وألف مليون مرة من أجل عين تكرم ألف عين ونبلعو السكينة بمها ونسكتو ولكن كيف نوليو نلعبو بأمن البلاد ماعادش فيها سكات . 
ولهذا وبكل هدوء ....
السيّد رئيس الجمهورية 
أعملو لجنة تحقيق تحت مسؤولية ادارة الصحة العسكرية الي فيها أطباء تونس الكل تشهدلهم بالنزاهة والاستقامة والكفاءة يعطيونا تقرير مفصل ودقيق على أسباب هذا العبث وهذا الغموض ويخرجو يفسرولنا شنية الحكاية بكامل الوضوح وبدون ذر رماد على الأعين ... خاطر اللعب في موضوع كيما هكة كان موش باش يقضي على صحتنا راو باش يقضي على إقتصادنا وهذومة الزوز تابعين الأمن القومي دونك تابعين صلاحياتك .
والسلام

ليست هناك تعليقات