إعلان علوي

مستشفى الحبيب بوقطفة ببنزرت : خطأ طبي يودي بحياة أمّ شابة

 

نشرت عائلة المرحومة فاطمة المثلوثي أصيلة ولاية بنزرت نداء إستغاثة على مواقع التواصل الإجتماعي وأكدوا أن ابنتهم توفيت إثر خطأ طبي بمستشفى الحبيب بوقطفة وهذه إفادتهم كاملة :
" فاطمة عدات شهر كامل تمشي للسبيطار شتولد وين تمشي يقولولها مزلت وهي لمرا عندها tension وهوما يقولولها راك لاباس عندك infection في المعدة لين طلعلها tension و مات الصغير يرحمو في كرشها ، قالولها لازم عملية إستعجلية لإخراج الجنين.
في العملية كي شيخرجو ال bébé يرحمو يضربولها مصارنها من داخل ويخيطو في الجرح من برا ومصارنها عملو تعفن وصارلها نزيف حاد وهي مش فايقة بشيء. 
كي قامت مالبنج قالولها راك لاباس .. روحت للدار حالتها الصحية ماشية وتتعكر لين خلطت ماعادش تجم تاقف على سقيها و تنفخت لمرا بكلها يرجعها راجلها لسبيطار بوقطفة ديراكت عاودولها عملية إستعجالية. 
بعد ما عملو تصاور وعرفو غلطتهم تجيه طبيبة تقلو قضاء وقدر و بعد طبيب أخر يقلو رانا غلطنا برا إشكي و ما حب حد يعطيه الملف الطبي. 
فاطمة بعد أكثر من 20 يوم في البلوك خرجوها ميتة يرحمها. 
ماناش طلبين شيء عاونونا نحبو حق فاطمة والملائكة يظهر 
باللهي max up وبرتاج أخطاء طبية وأرواح تزهق ولا حسيب ولا رقيب بلاد مسيبة"

ليست هناك تعليقات