إعلان علوي

بالصور / طالبة تطلق نداء إستغاثة : وضعية كارثية في المبيت الجامعي في زمن الكورونا

 

أطلقت طالبة تونسية نداء استغاثة عبر مواقع التواصل الإجتماعي وكشفت استهتار إدارة المبيت الجامعي بمنوبة وعدم تطبيق البروتوكول الصحي في ظلّ أزمة فيروس كورونا وهذا ما جاء في تدوينتها : 

 انا هديل الدريدي طالبة سنة ثانية بالمعهد العالي للمحاسبة.. تم قبولي في المبيت بعد طلب دام شهرين.. و كيما تعرفوا اي عبد ما يسكنش في المبيت ماعندوش الحق يدخل للداخل لذلك ما كنتش على دراية بلي صاير الداخل.

تلقيت الرد منذ 3 ايام.. 

و لحد هاذي اللحظة مانيش مستوعبة الي قاعد يحصل الداخل..الاستهتار متاع الادارة بالوضع و بالوباء في عدم اتباع اي بروتوكول صحي.. في القسم الي نسكن فيه انا bloc A الطابق 2 مبيت البساتين .. الفاضلات في كل بلاصة.. التولاتات لا ينضافوا و لا يتعقموا.. و ابسط الاشياء مافماش صابون.. و الوعود الزائفة الي تلقيناها مالديوان و الوزارة  انوا في كل غرفة طاقة الاستعاب شخصين لا اكثر ماطبقتش...

مانجم نقول كان راهو الوضع كارثي..

وقيت باش نحطوا اليد في اليد و نتحركوا.. هاذا حقكم

الوضع قاعد يخرج على السيطرة بالسكوت و عدم المبالات.

باسمي و باسم الاتحاد العام لطلبة تونس نحب نقلكم ماناش ساكتين.. و اذا الادارة ماتخممش في صحتكم احنا نخموا فيها.

الصور :مبيت الطالبات 











ليست هناك تعليقات