إعلان علوي

الدكتور زكرياء بوقرة للمشيشي : التونسي ما يتسامحش كيف تتمس أمّو .. يا تعملو الحجر الصحي الشامل يا الشعب يثور عليكم !


اعتبر الطبيب المختص في التبنيج والانعاش مسالة فرض الحجر الصحي هي مسالة وقت لا أكثر، وقال زكرياء بوقرة نعاود نقولهالكم هما موش بش يعملو الحجر الصحي على خاطر خائفين علينا هما بش يعملو الحجر الصحي كي بش يخافو منا.
وأضاف في تدوينة على فايسبوك أنو المشيشي يخرج ويقول ما فماش حجر ما عندو حتى معنا. بالسيف عليه هو وحكومتو ولجنتو العلمية بش نعملوه. انها حرب باتم معنى الكلمة. حرب ضد الفيروس و حرب ضد الخونة. ايام حكم هذه الحكومة اصبحت معدودة.
وأكد ان الشعب التونسي يسامح في كل شيء إلا انك تمسلو امو. وهما توة يحبو يقتلو امهاتنا واباءنا. في امخاخهم نحنا مجرد ارقام وما يراو فيها حتى مشكلة كان نموتو. أما نحنا ماناش ارقام. نحنا اشخاص. نحنا احلام. نحنا حب. نحنا فكر. نحنا الشعب. ونحنا الي نحكمو بالحق. أما نسينا قوتنا. نسينا كيفاش اقتلعنا واحد من اكبر الانظمة المستبدة في العالم. شكون كان يتصور نهار 13 جانفي أنو بن علي بش يتنحى. حتى حد ولكن في لحظة سحرية اقتنعنا كلنا أننا سنخوض الحرب والي بش يصير خلي يصير. نفس الشيء ليوم. البحر امامنا والعدو خلفنا. ما عاد عنا ما نخسرو. هما بش يقتلونا بش يقتلونا. خلي نموتو مالا ونحنا نحاربو.
وشدد بوقرة هذا تنبيه لحاكم البلاد: لديكم على اقصى التقدير جمعتين بش تعلنو حجر الصحي الشامل لين نتخلصو من الفيروس نهائيا. أنا شخصيا نجم نعطيكم خطة كاملة كيفاش نمنعو لبلاد باقل تكلفة ولا حاشتي لا بفلوس لا بمناصب. ولكن إن لم تستجيبو فإنها ثورة جديدة ستندلع وسنمشي على القصبة وعلى قرطاج وسنقتلعم من مناصبكم وستحاسبون اشد الحساب. من انذر فقد اعذر.

ليست هناك تعليقات