إعلان علوي

الدكتور ماهر العباسي : هذه المنطقة التونسية حققت مناعة جماعية ضد كورونا




اعتبر الدكتور ماهر العباسي الطبيب المختص في الإنعاش والتبنيج ان أربعة أسئلة مهمّة على وزارة الصحّة واللجنة العلمية الإجابة عليهم،.

وأوضح ان اول سؤال هو * قدّاش تقريبا من تونسي تعدا ( موش قداش من واحد فقنا بيه ) العدد هذا مهم ياسر باش نفهمو رواحنا في أما مرحلة.
وأضاف الغباسي في تدوينة على فايسبوك السؤال الثاني هو * هل الكورونا مرض يعمل مناعة وإلا؟
والسؤال الثالث * هل شراسة الفيروس نقصت في الصيف وهل باش تقوى في الخريف والشتاء والا ؟
اما السؤال الاخير* شنوة تفسيركم العلمي لتحسن الوضع الوبائي في الحامة ؟ شنوة صار ؟
وقال العباسي "إلي نلاحظ فيه وأنّو فمة فقدان ثقة تام بين الوزارة والشعب وفقدان الثقة هذا ماشي ويزيد والسبب متاعو هو محاولة الوزارة اليائسة أنها تقنع الشعب بأنو السياسة متاعها اليوم في تناغم مع سياستها في مارس ونورمال في حين أنو سياستها اليوم في تناقض تام مع سياستها في مارس ومستحيل تقنعو إنسان واحد أنو فمة تناغم ودونك قد ما تحاولو تعملو سياسة هروب إلى الأمام قد مالشعب يزيد يفقد الثقة فيكم . "
وتابع" سياستهم متاع مارس مبنية على النقاط التالية : * مافماش مناعة / الفيروس موش باش يضعف في الصيف / الحل الوحيد شدودياركم / الدول الي ماعملتش شدو دياركم على بكري مستهترة ===> كيف تبدل السياسة ب180 درجة يلزمك تفهمنا ... طلعت فمة مناعة ؟

ضعف الفيروس في الصيف ؟ الحجر طلع حكاية فارغة ؟ وقتها الشعب يطمان ويقول هاو التمشي مبني على تطور العلم والفهم والله غالب كنا غالطين ....
أما تعمل سياسة تقول الفيروس ما ضعفش في الصيف ( أما ما مات حد وأحنا صفر حماية دونك علاش تحبني نعمل حماية اليوم ) وتقول مافماش مناعة ( مالا باعثينا للموت الناس الكل ) وراو الحجر ماعادش انجمو نعملوه ( يعني هو الحل الباهي أما خاطر يهلك الإقتصاد ماناش باش انجمو نعملوه وباش نخليوكم تموتو ) ...
وقتها ماعاد يصدقك حد ويعطي فيك الثقة حد ... وكيف يتزايد عدد الموتى البلاد باش تدخل في هستيريا . ===> حسب رأيي المتواضع * الفيروس يعطي مناعة ومناعة قوية وعلى 23 مليون مريض ما فمة حتى واحد عاود موض ورقد في الإنعاش والا مات ... ينجم الانسان يعاود يتعدا وهذا نادر جدا ولكن يعمل حاجة خفيفة ياسر * الشراسة متاع الفيروس ضعفت ياسر في الصيف وأوروبا عدد الوفايات فيها تقسم على 100 ...
عدد الوفايات موش نسبة الوفايات دونك التفسير الأخرق الي يحكيلكم انو السبب هو ارتفاع عدد التحاليل هو تفسير أحمق خاطر نحكيو على عدد الموتى موش نسبة الموتى من عدد المرضى. الشراسة هذي رجعت قوات في الخريف وباش تزيد تقوى في الشتاء وهو ما يفسر ارتفاع عدد الموتى الي باش يزيد يرتفع * الحامة صارت فيها مناعة جماعية وهو التفسير الوحيد لتحسن الوضع الوبائي وهذا انجمو نثبتوه بسهولة كان نعملو دراسة على سكان الحامة وكان نثبتو هذا باش يكون خبر مفرح ومطمئن للتوانسة الكل . "

ليست هناك تعليقات