إعلان علوي

الكاف : مصابة بفيروس كورونا تلقّت العدوى هي ووالدتها خلال حفل الزفاف تروي كامل التفاصيل


نشرت فتاة مصابة بفيروس كورونا أصيلة ولاية الكاف، تلقت العدوى في حفل الزفاف هي ووالدتها، تدوينة على الفايسبوك توضّح فيها بعض المعطيات وتكشف تفاصيل تلقيهما العدوى وهذا ما جاء فيها : 
برشا يعرفوني نعشق حاجه اسمها الكاف نفديها بعمري ولا نتجرا ندخل فيها غوله كيف ما صار وتحكي 
من نهارت 15 اوت لليوم برشا تقلقيل ،الحكايه الصحيحه :
نهار 11 اوت امي صبحت شاده فرش مريضه تقول بدني يوجع فيا وما حبتش تمشي للسبيطار  
نهار 12 اوت امي مزالت في نفس حاله ولحقيقه حاله هزتني للشك برغم ماعندهاش سخانه، كحه، الا ان بدنها تقول طايب زبده والي زادني شك امي مرا مش شوكاعه هنا تفجعت لوجت على رقم اخضر تع كوفيد بحكم حضرنا في عرس جو من هولندا وزيد برشا عباد وقتها قالو مستبردين من كليماتيزور
_الو عسلامه
_الو عسلامه
_حبيت نسألك على اعراض كوفيد خاطر امي مريضه ومافهمتش مناش
_عندها سخانه
_لا
_عندها كحه
_لا، بدنها يوجع فيها وفشله كهو
_منين انتي
_من الكاف
_لباس هذاكا قريب عادي هزها عدي عليها
وقتها اصريت وهزيتها الاستعجالي عملولها سيروم لكن ما فما شيء وفي عشيتها نا قراجمي وجعتني ولت عندي كحه شايحه وخشمي تسكر رجعت الاستعجالي عدت عليا وقتلي قريب عادي وقتلي روح شد دار وعطتني زوريقه
نهار 14 اوت امي مشت تعدي في مستوصف طلبها وقلتلها قيدني معاك راهي كرشي جرت وقلقتني (اما متأكده من عنب فيه قارص) وقتها امي دخلت عدت وسألها طبيب شكون قابلت وشافت من خارج وقتها بعثنا طول تحليل
حللنا وروحنا شدينا كل وحده بيت رغم انو عندناش اعراض حسب ماقريت على كوفيد حتى نهارت السبت 15 اوت طلبوني وكانت عندي 99% انو ماعندنا شيء وقت طلبني طبيب خليتو يحكي وقتلو تحكي بجدك والا تفدلك هههه
في ليلتها جو خذو تحاليل خويا وبابا ونهار احد بدو يتوسعو يعملو في تحاليل كان من واجبي اني نعطيهم معطيات مشكورين هوما ومنطقه زاده من وقتها بدو يحصرو في عدد 
ونهارت احد 16 اوت جابولنا اسعاف هزونا للمهديه
برشا حكايات وسيناريوهات وافلام تحكت لكن هذي الحقيقه
تو بحث قاعد يصير  برشا في عرس مرضو ومشو شرو دواء لكن امي اصرت تمشي تعدي بالك يعملوها تحاليل على سكر بحكم عندها سكر
والحقيقه انو احنا تعدينا كيف ناس كل مش احنا الي عدينا
وتو نا وعايلتي كل في حجر صحي صحتنا لباس والحمد لله

ليست هناك تعليقات